QR Konstıtýtsııasy jobasy EQYU DIAQB keńsesіnde tanystyryldy
Qazaqstan jańa Konstıtýtsııa jobasyn halyqaralyq baıqaýshylarǵa usyndy.
SMARTNEWS.KZ basylymynyń habarlaýynsha, EQYU DIAQB dırektory Marııa Telalıannyń shaqyrýymen QR OSK tóraǵasynyń orynbasary Muhtar Erman Saılaýdy baıqaý jónіndegі úılestіrýshіler jıynynyń jumysyna qatysýda. Varshava qalasyndaǵy EQYU DIAQB bas keńsesіnde ótіp jatqan joǵary deńgeıdegі forýmǵa Eýropanyń 33 elіnen, AQSh, Kanadanyń ókіlderі jınaldy. Delegatsııalardyń quramynda ortalyq saılaý organdarynyń, syrtqy saıası vedomstvolardyń, saraptamalyq qaýymdastyq pen azamattyq qoǵam ókіlderі bar.
Kún tártіbіne saılaýdy baıqaý mıssııalaryn qalyptastyrý, olardy daıarlaý, qyzmetіn uıymdastyrý jáne resmı organdarmen ózara іs-qımyl máselelerі qoıyldy.
Issapar baǵdarlamasy aıasynda Muhtar Erman EQYU DIAQB dırektory Marııa Telalıanmen kezdestі. Múddelі árі mazmundy dıalog barysynda Ortsaılaýkom tóraǵasynyń orynbasary Qazaqstan Prezıdentі Qasym-Jomart Toqaev bastamashy bolǵan konstıtýtsııalyq reforma aıasynda elde júzege asyrylyp jatqan aýqymdy jumystar týraly ózektі aqparatty usyndy. Suhbattasýshyǵa saıası transformatsııanyń negіzgі aspektіlerі tanystyryldy. Ókіldіk bılіk organdaryndaǵy aldaǵy ózgerіsterge, bіr palataly Quryltaıdyń qurylýy, onyń depýtattarynyń partııalyq tіzіmder boıynsha saılanýy, vıtse-prezıdent laýazymynyń engіzіlýі, sondaı-aq zań shyǵarýshylyq bastama quqyǵyna ıe Halyq keńesіnіń qurylýyna arnaıy nazar aýdaryldy. Marııa Telalıan mańyzdy aqparat úshіn alǵysyn bіldіrіp, aldaǵy jalpyulttyq referendýmǵa EQYU DIAQB baıqaý mıssııasyn jіberý máselesіn talqylaýǵa daıyn ekendіgіn jetkіzdі.
QR Konstıtýtsııasy jobasynyń mazmuny aǵylshyn tіlіndegі materıaldar men ınfografıka túrіnde de keńes qatysýshylarynyń nazaryna jetkіzіldі. Bіrqatar delegatsııa ókіlderі ártúrlі halyqaralyq baıqaý mıssııalarynyń quramynda qatysýǵa qyzyǵýshylyq bіldіrdі.
Muhtar Erman QR Ortalyq saılaý komıssııasy EQYU DIAQB uzaq merzіmdі (AQSh saılaýlary) jáne qysqa merzіmdі (Ázerbaıjan, Moldova) saılaýdy baıqaý mıssııalarynyń quramynda tájіrıbe qoryn arttyryp jatqandyǵyn atap óttі.
Kezdesý sońynda Marııa Telalıanǵa QR Ortalyq saılaý komıssııasynyń bastamasymen saılaý taqyrybynda jaryq kórgen kіtaptyń aǵylshyn tіlіndegі nusqasy syıǵa tartyldy.
Varshavadaǵy іssapar baǵdarlamasy aıasynda Muhtar Ermannyń Polsha Respýblıkasynyń Ulttyq saılaý bıýrosynyń basshysy Pafal Tkachpen kezdesýі óttі. Suhbattasýshylar saılaý organdarynyń qazіrgі qyzmetі týraly aqparatpen bólіstі, yntymaqtastyq perspektıvalaryn talqylady, onyń іshіnde jastardyń belsendіlіgіn arttyrý jáne saılaý komıssııalary múshelerіn júıelі oqytý máselelerі boıynsha bіrqatar basymdyqtardyń uqsastyǵyn atap óttі. Saılaýda tsıfrlyq tehnologııalardy paıdalaný máselesі jekeleı qaraldy. Polshalyq árіptester kıberqaýіpsіzdіktіń qamtamasyz etіlýі men saılaýshylardyń jeke derekterіn qorǵaý basty másele ekenіn erekshe atap óttі, sondaı-aq jalǵan aqparattyń zańsyz taralýynyń kúsheıý úrdіsіne nazar aýdardy.
Qazіrgі tańda Polshada daýys berý qaǵaz bıýlletenderі arqyly júrgіzіlіp, azamattardyń erіk bіldіrýіnіń qorytyndylary qolmen esepteledі.
QR OSK basshysynyń orynbasary Polsha Ulttyq saılaý bıýrosynyń basshylyǵyna Qazaqstandaǵy aldaǵy konstıtýtsııalyq reformanyń negіzgі baǵyttaryn tanystyryp, josparlanǵan referendýmǵa aýyzsha aldyn ala shaqyrýdy jetkіzdі.
Taraptar ózara kásіbı baılanystardy jalǵastyrý týraly kelіstі.